Helstu meginmarkmið samtakanna eru m.a.;

• Að vera sameiginlegur vettvangur fyrir útgefendur, dreifingaraðila og framleiðendur myndefnis á Íslandi.
• Að gæta hagsmuna félagsmanna gagnvart löggjafanum, hinu opinbera, neytendum, erlendum samtökum sama eðlis, myndbandaleigum, fjölmiðlum og öðrum, sem beint eða óbeint eru viðskipta- eða lagalega tengdir dreifingu myndefnis hér á landi.
• Að vinna að því markmiði að hafa með því eftirlit, að myndefni sem á boðstólum er hér á landi til útleigu eða sölu sé dreift af dreifingaraðilum sem hafi til þess réttar dreifingarheimildir.
• Að stuðla að samræmingu útgáfumála á myndefni til hagsmuna fyrir neytendur.
• Að standa saman að réttaraðgerðum gegn hvers konar skerðingum á lagalegum rétti og öðrum hagsmunum félagsmanna hér á landi.
• Að vera ráðgefandi aðili fyrir ýmis hagsmuna- og tæknileg málefni sem viðkoma útgáfu myndefnis.

Meðlimir samtakana eru:

• 365 Ljósvakamiðlar
• Bergvík
• Myndform
• RÚV
• Sam-Félagið
• Sena
• Skjárinn
• Motion Picture Association

SMÁÍS vinnur í nánu samstarfi við Alheimssamtök kvikmyndarétthafa (MPA – Motion Picture Association), sem öll stærstu kvikmyndastúdíóin í Hollywood standa að.  SMÁÍS hefur til margra ára átt gott samstarf með Lögmönnum Laugardal, enda mörg verkefni í starfsemi samtakana sem þarfnast lögfræðilegra ígripa. Þá er SMÁÍS  í samstarfi við SAMTÓN (Samtaka Rétthafa Tónlistar á Íslandi) vegna ýmisskonar kynningarmála.  SMÁÍS tekur einnig  þátt í samstarfi sambærilegra samtaka á norðurlöndum (NAPO - Nordic Anti Piracy Operations).  Auk þess að berjast gegn ólöglegri dreifingu á efni félagsmanna vinna samtökin að ýmsum hagsmunarmálum fyrir rétthafa hér á landi og er ráðgefandi fyrir ýmis hagsmuna- og tæknileg málefni sem viðkoma útgáfu myndefnis. 

Hér má sjá samþykktir félagsins.